Kynningarfundur á HMS, Aski og Tæknisetri fyrir félagsmenn AÍ
Mánudaginn 29. nóvember verður haldinn kynningarfundur fyrir félagsmenn AÍ á Húsnæðis-og mannvirkjastofnun (HMS), Aski - mannvirkjarrannsóknarsjóð og Tæknisetri. Kynningarfundurinn verður haldinn á TEAMS og hefst kl. 12.00-13.00.
Húsnæðis- og mannvirkjastofnun, var stofnuð árið 2020 með samruna Mannvirkjastofnunar og Íbúðlánasjóðs. Með samruna þessara stofnana hafa orðið þónokkrar breytingar á starfseminni en á fundinum mun Hermann Jónasson, forstjóri HMS, fjalla um hlutverk HMS, áherslur og nýjungar. Af því loknu mun Þóra Margrét Þorgeirsdóttir, teymisstjóri nýsköpunar hjá HMS, kynna Ask – mannvirkjarannsóknarsjóð, nýjan samkeppnissjóð í byggingariðnaði. Askur mannvirkjarannsóknarsjóður var stofnaður árið 2021 og verður fyrsta úthlutun veitt á þessu ári en umsóknarfrestur er til og með 9. desember 2021. Hlutverk skjóðsins er að veita styrki til mannvirkjarannsókna með áherslu á aukna þekkingu, umbætur og nýsköpun til að mæta samfélagslegum áskorunum á sviði mannvirkjagerðar í samræmi við markmið laga nr. 160/20210, um mannvirki. Að lokum mun Kristján Egill Karlsson, verkefnastjóri hjá Tæknisetri kynna setrið en það var stofnað í kjölfar niðurlagningar Nýsköpunarmiðstöðvar Íslands. Tæknisetrið er byggt á grunni Efnis-, líf- og orkutæni, Rannsóknarstofu byggingariðnaðarins og frumkvöðlasetur Nýsköpunarmiðstöðvar á sviði tæknigreinar. Setrið er rekið sem óhagnardrifið félag sem á ekki í samkeppni við einkafyrirtæki og stofnanir og er alfarið í eigu ríkisins, þar sem ríkið leggur fram hluta af tækjabúnaði og eignum Nýsköpunarmiðstöðvar sem stofnframlag.
Dagskrá fundar:
- kl. 12.00 Hermann Jónasson, forstjóri HMS: „HMS: Hlutverk, áherslur og nýjungar“.
- kl. 12.15 Þóra Margrét Þorgeirsdóttir, teymisstjóri nýsköpunar hjá HMS: „Askur – mannvirkjarannsóknarsjóður: Starfsemi og úthlutun 2021“
- kl. 12.30 Kristján Egill Karlsson, verkefnastjóri Tækniseturs: „Tæknisetrið, hlutverk þess og starfsemi"
- kl. 12.45 Umræður
