Listaháskóli Íslands leitar eftir metnaðarfullum einstaklingi með sterka listræna sýn í stöðu deildarforseta í arkitektúr. Umsóknum skal skilað eigi síðar en 16. apríl 2023. 

Listaháskóli Íslands leitar eftir metnaðarfullum einstaklingi með sterka listræna sýn í stöðu deildarforseta í arkitektúr. Deildarforseti ber ábyrgð á listrænni og akademískri stefnumótun fagsviðsins og útfærslu hennar í námi, kennslu og rannsóknum í samstarfi við sviðsforseta og rektor. Hann leiðir faglegt samtal deildarinnar, sinnir starfsmannahaldi, málefnum nemenda og almennri starfsemi deildar. Starfshlutfall er 100%. Ráðið er í starfið frá 8. ágúst 2023. 

Mótun stefnu deildar í samræmi við heildarstefnumörkun skólans 

Uppbygging náms og kennslu á fagsviðinu 

Þverfagleg samvinna milli deilda og sviða 

Samstarf við fagvettvang og alþjóðlegt samstarf 

Gerð rekstrar- og fjárfestingaráætlana 

Deildarforseti skal hafa akademískt hæfi. Við ráðningu í starfið fer fram hæfismat skv. reglum Listaháskólans um veitingu akademískra starfa. Umsækjendur verða metnir útfrá neðangreindum kröfum um menntun, reynslu og hæfni á grundvelli umsóknar auk þess sem frammistaða umsækjenda í viðtölum mun hafa mikið vægi. 

Fullnaðarnám til starfsréttinda í arkitektúr (MArch eða sambærilegt). 

Góð þekking og reynsla af starfsemi á háskólastigi. 

Virk þátttaka í fagsamfélagi arkitektúrs. 

Framúrskarandi samskiptahæfni og lausnamiðað hugarfar.  

Mjög góð hæfni til að miðla efni í töluðu og rituðu máli. 

Til að umsókn sé gild skulu eftirfarandi gögn fylgja: 

Ferilskrá sem skipt er í eftirfarandi kafla eftir því sem við á: menntun, listræn störf, rannsóknir, kennslu og akademísk störf, stjórnunarstörf og önnur störf.  

Staðfest afrit af viðeigandi prófskírteinum.  

Greinargerð sem sýnir faglega sýn umsækjanda á starfið og framtíðarsýn hans á rannsóknir og kennslu á fagsviðinu.  

Auk þess er umsækjanda heimilt að skila inn öðrum gögnum til stuðnings umsóknar. 

Umsókn með fyrrgreindum gögnum skal skilað eigi síðar en 16. apríl 2023 á netfangið starfsumsokn@lhi.is, merkt Deildarforseti í arkitektúr.

Frekari upplýsingar um starfið veita Eva María Árnadóttir, sviðsforseti arkitektúrs, hönnunar og myndlistar, evamaria@lhi.is og Sóley Björt Guðmundsdóttir, mannauðsstjóri, soleybjort@lhi.is.

Farið verður með umsóknir og fyrirspurnir sem trúnaðarmál. LHÍ áskilur sér rétt til að hafna öllum umsóknum.  

Listaháskóli Íslands er sjálfseignarstofnun með viðurkenningu á fræðisviðinu listir.  Starfsumhverfið er gefandi og kraftmikið samfélag nemenda sem stunda nám undir handleiðslu framúrskarandi listamanna og annarra sérfræðinga. Listaháskóli Íslands er leiðandi í sköpun og miðlun þekkingar í listum, eflir fagmennsku og er í fararbroddi fyrir þróun almennrar menntastefnu í listum. Starfsstöðvar skólans eru við Þverholt, Skipholt, Laugarnesveg, Borgartún og Austurstræti í Reykjavík. 

Umsóknum skal skilað á starfsumsokn@lhi.is

Upplýsingar um starfið veita Eva María Árnadóttir, sviðsforseti arkitektúrs, hönnunar og myndlistar, evamaria@lhi.is og Sóley Björt Guðmundsdóttir, mannauðsstjóri, soleybjort@lhi.is.

Hönnunar- og hugmyndasamkeppni um nýjar vörur hannaðar úr íslensku tvídi

AÍ verður eingöngu fagfélag en ekki fag-og stéttarfélag. 

DesignTalks 2023 - Pavel Vrzheshch, stofnandi og listrænn stjórnandi úkraínsku auglýsingastofunnar Banda

LHÍ auglýsir stöðu Deildarforseta í arkitektúrdeild

Deila

Tögg