Pavel Vrzheshch, stofnandi og listrænn stjórnandi úkraínsku auglýsingastofunnar Banda, kemur fram á DesignTalks 3. maí í Hörpu. DesignTalks ráðstefnan hefur öðlast fastan sess hérlendis og er vel þekkt alþjóðlega sem mikilvægur vettvangur innblásturs og samtals um helstu þróun og breytingar sem drifnar eru áfram með aðferðum hönnunar og arkitektúrs.  

Pavel Vrzheshch, stofnandi og listrænn stjórnandi úkraínsku auglýsingastofunnar Banda, kemur fram á DesignTalks 3. maí í Hörpu. 

Við urðum að breytast frá skapandi auglýsingastofu í skapandi her fyrir Úkraínu.

Undir stjórn Pavel Vrzheshch hefur Banda starfað fyrir fjölda alþjóðlegra fyrirtækja og unnið til fjölda verðlauna, nú síðast Silfur ljónið fyrir hönnun á Cannes hátíðinni árið 2022.

Þann 24. febrúar 2022 stoppaði öll dagleg starfsemi Banda í Kyiv. Rússland hafði ráðist inn í Úkraínu og starfsemin gat eðlilega ekki haldið áfram óbreytt. Pavel var sjálfur í Kyiv og eftir að hafa eytt nokkrum dögum í áfalli (og við að hjálpa samstarfsfólki og eigin fjölskyldu að flýja land) tók hann ákvörðun með samstarfsfólki sínu: „Við urðum að breytast frá skapandi auglýsingastofu í skapandi afl fyrir Úkraínu, við munum vinna öll verkefni hér eftir sem skapandi hermenn“. Í kjölfarið hefur stofan unnið að fjölda ólíkra verkefna með það að markmiði að segja sögur Úkraínu í sem víðasta samhengi. Banda vann m.a. að herferðinni Be Brave Like Ukraine en henni er ætlað að vekja athygli á Úkraínu, umfram það að vera land í miðju stríði. „Stríðinu lýkur einn daginn og þá stöndum við frammi fyrir ótrúlegu tækifæri til þess að byggja upp ný tengls og nýjan áhuga á landinu okkar“ sagði Pavel. Herferðin er þess eðlis að hver sem er getur sótt sér efni hennar og birt í því formati sem hentar. Zelenskyy, forseti Úkraínu, vakti athygli á herferðinni og í kjölfarið hefur hún birst í yfir 15 löndum.

Banda var stofnað árið 2011. Hjá stofunni starfa um 80 manns í Kyiv og Los Angeles. Fyrir stríðið vann stofan með fyrirtækjum á borð við Uber, Netflix, Pepsi, Spotify og Listasafni Úkraínu. Pavel var valin á listann Most Creative People in Business af tímaritinu Fast Company árið 2022. Hann er einnig á lista Adweek Creative yfir 100 stjórnendur auglýsingastofa sem móta nýja tíma í skapandi greinum. Tímaritið Focus valdi hann einnig á lista 100 áhrifamesta fólk Úkraínu. 

DesignTalks 2023 fer fram miðvikudaginn 3. maí í Silfurbergi í Hörpu. Stjórnandi er Hlín Helga Guðlaugsdóttir.

Í ár mun DesignTalks takast á við spurninguna Hvað nú? / What now?, staldra við, fást við áskoranir líðandi stundar, velta upp og kanna mögulegar leiðir - og ef vel tekst til, vekja enn fleiri spurningar!

DesignTalks ráðstefnan varpar ljósi á mikilvægi hönnunar og arkitektúrs í samfélagslegum og hnattrænum breytingum, með erindum um áhrifamikil verkefni og innblásnum samtölum. Hönnuðir, arkitektar og skapandi hugsuðir, erlendir og innlendir veita innsýn í brýn viðfangsefni af öllu hjarta. Ekkert er utan seilingar.

Viltu fjölmenna og panta fyrir hóp? Vinsamlegast hafðu samband við midasala@harpa.is s. 5285050. Við minnum einnig á að kanna möguleika á niðurgreiðslu stéttarfélaga vegna miðakaupa.

DesignTalks 2023 - Paola Antonelli, yfirsýningarstjóri arkitektúrs og hönnunar hjá MoMA, framleiðandi MoMA Salon R&D og stofnandi Design Emergency

DesignTalks 2023 - Odile Decq, arkitekt og borgarskipulagsfræðingur 

DesignTalks 2023 - Natsai Audrey Chieza, stofnandi og framkvæmdarstjóri Faber Futures

DesignTalks 2023 - Peter Veenstra, landslagsarkitekt og einn stofnandi LOLA Landscape Architects

DesignTalks 2023 - Sigríður Sunna Reynisdóttir, stofnandi og listrænn stjórnandi ÞYKJÓ

DesignTalks 2023 - Pavel Vrzheshch, stofnandi og listrænn stjórnandi úkraínsku auglýsingastofunnar Banda

Deila

Tögg