Lífsferilsgreiningar og heilnæmt húsnæði

VERKVIST verður með erindi um lífsferilsgreiningar og heilnæmt húsnæði 16. september kl. 17 í Fenjamýri, Grósku.

Til hvers erum við að gera þessar lífsferilgreiningar?

Lífsferilsgreiningar(LCA e. Life cycle assessment) eru að koma inn sem krafa í reglugerðir víða um heim, sem dæmi hafa öll norðurlöndin sett kröfu um slíkt. Við á Íslandi höfum verið í mikilli vinnu við að innleiða kröfu um LCA fyrir byggingar sem tók nýverið gildi 1. september og þá er skylda að skila inn lífsferilsgreiningu við umsókn um byggingarleyfi fyrir byggingar í umfangsflokki 2 og 3. 

Helga María hjá VERKVIST mun fjalla um lífsferilsgreiningar á mannamáli og hvernig við getum nýtt þessar greiningar sem tækifæri fyrir okkur í hönnun. 

Inniloft og heilsa í hönnun – hvað skiptir máli?

Sylgja Dögg Sigurjónsdóttir eigandi VERKVIST mun síðan halda stuttan fyrirlestur um heilnæmt húsnæði og hvers vegna loftið í byggingum er jafn mikilvægur hluti af upplifun og útlit rýmisins. Farið verður í gegnum atriði eins og rakaöryggi, byggingareðlisfræði og efnisval – allt sem hefur áhrif á bæði endingu, heilsu og vellíðan. Einnig  verður skoðað hvernig þessir þættir tengjast öðrum innivistarþáttum eins og hljóðvist og lýsingu. Markmiðið er að opna samtal um hvernig heilsa og fagurfræði geta stutt hvort annað.

📍 Hvar: Fenjamýri, Grósku
🕛 Hvenær: Þriðjudaginn, 16. september kl. 17:00 - 18:30