Textílmiðstöð Íslands og Nýsköpunarmiðstöð Íslands halda Ullarþon dagana 25. - 29. mars. Verkefnið er styrkt af Framleiðnisjóði Landbúnaðarins. Um er að ræða nýsköpunarkeppni haldin á netinu til að ýta undir nýsköpun og vöruþróun, auka verðmæti ullarinnar og þá sérstaklega verðminnstu ullarflokkanna. 

Þróun á vinnslu textíls úr óunninni ull

Skráning hefst í dag,  1. mars. Hægt er að taka þátt hvort heldur sem einstaklingur eða í teymi, eða mynda teymi á Facebookar síðu Ullarþonsins. Þátttakendur hafa aðgang að breiðum hóp leiðbeinenda á meðan Ullarþoninu stendur. Heppilegt er að fólk með ólíka kunnáttu vinni saman til að auka möguleika á lausnum. 

Lokaskil á hugmyndum er þann 29. mars. Dómnefnd mun þá meta hugmyndir og tilkynna um miðjan apríl hver mun vera í topp 5 í hverjum flokki. Úrslit verða kynnt á Hönnunarmars 2021.

Heildarverðmæti vinninga eru um 1.600.000 kr. 

Þátttakendur keppa í 4 flokkum. (Hægt er að skila úrlausn í mesta lagi 2 flokka.) Í öllum flokkum er leitað eftir nýsköpun og nýtingu verðminnstu ullarflokkana.* 

1. Þróun á vinnslu textíls úr óunninni ull**

Í þessum flokki er lögð áhersla á raunhæfa lausn á hugmynd sem auka myndi verðmæti íslensku ullarinnar. Áhersla er lögð á þá verðflokka sem nú gefa minnst af sér.
Hér skiptir máli að sýnt sé fram á að lausnin búi til verðmæti til framtíðar og unnið sé með óunninni ull. 

2. Nýskapandi lausn á blöndun annara hráefna við ull 

Í þessum flokki er sóst eftir nýrri gerð eða vinnslu bands/þráðar. Hugmyndin á að auka nýtingu íslensku ullarinnar og samþættingu hennar við önnur íslensk hráefni  til textílgerðar. Í þessum flokki er jafnframt mögulegt að vinna með lífrænana textíl úr íslenskum hráefnum.
Hér skiptir máli að sýna fram á blöndun íslenskra hráefna við ullina.

Í þessum flokki er sóst eftir hugmyndum að vöru sem byggir á íslenskum menningararfi en er jafnframt nútímaleg. Áhersla er lögð á vinnslu vörunnar með stafrænni tækni og/eða hátækni við framleiðslu textíls.
Hér skiptir máli sýna fram á nýtingu tækninnar við hönnun/framleiðslu og að varan hafi sérstöðu framyfir það sem almennt er í boði á markaði. Jafnframt er lögð áhersla á nýtingu íslensku ullarinnar sem meginhráefni.

Í þessum flokki er leitað eftir hugmyndum til að byggja upp leiðir með stafrænum lausnum til sölu á íslenskri ull og ullarvörum. Áhersla er lögð á rekjanleika. 
Hér skiptir máli að lausnin sé stafræn með áherslu á íslensku sauðkindina og lífsferil ullarinnar.

Hér er hægt að finna frekari upplýsingar og skráningar fyrir áhugasama og þátttakendur. 

Ýrúrarí með smiðju í skapandi fataviðgerðum í Hönnunarsafni Íslands

Gagarín kemur að þremur nýjum sýningum í Noregi

Lumar þú á mjúkri og hlýrri hugmynd? Stafrænt Ullarþon vorið 2021

Deila

Tögg