Hvað ætlar þú að sjá á HönnunarMars í ár? Steinunn Hrólfsdóttir, eigandi og listrænn stjórnandi Andrá Reykjavík og fatahönnuður, deilir með okkur hvaða sýningum hún ætlar ekki að missa af í ár.

HönnunarMars 2022 er rétt handan við hornið en hátíðin fer fram 4. til 8. maí. Dagskráin í ár samanstendur af rúmlega 100 sýningum og 200 viðburðum. Um er að ræða fjölbreytta og spennandi viðburði sem endurspegla gróskumikið íslenskt hönnunarlandslag. Leikgleði og forvitini eru einkennandi á dagskránni í ár en viðfangsefnin eru m.a. samskipti, framtíðarsýn, örverur, fuglar, sjálfbærni, heilsa og náttúra. Það er ekki úr vegi að fá smá leiðsögn um dagskránna og höfum við því fengið nokkra vel valda aðila til þess að velja þá viðburði sem að þau ætla ekki að missa af á HönnunarMars.

Steinunn Hrólfsdóttir, eigandi og listrænn stjórnandi Andrá Reykjavík og fatahönnuður, deilir með okkur hvaða sýningum hún ætlar ekki að missa af í ár.

Ég hef lengi fylgst með Huldu Katarínu sem mér hefur fundist vinna með leir og keramik á afar listrænan og ferskan hátt. Hér er hún að gera tilraunir með íslenskan hveraleir og ég er svo hrifin af þessari einstöku og fallegu litapallettu og mjög spennt að sjá lokaútkomuna.

Fischersund hafa náð að vinna með plöntuheiminn á svo fallegan og ljóðrænan en sama tíma, nútímalegan hátt. Mjög spennt að sjá og upplifa þessa dulrænu sýningu.  

Ótrúlega mikið af spennandi fatahönnunar viðburðum í ár og þetta er klárlega einn af þeim. Hér er Farmers Market að kynna nýtt efni úr íslenskri ull í samstarfi við Ístex -  Ég er mikil áhugamanneskja um nýtingarmöguleika íslensku ullarinnar og ótrúlega hrifin af öllu sem Farmers gerir svo einstaklega spennandi samstarf hér á ferð.

Ég er alltaf spennt að sjá nýja hluti frá Hildi Yeoman, sem er klárlega í fremstu línu íslenskrar fatahönnunar í dag. En ég er líka einstaklega spennt fyrir staðsetningu sýningarinnar í Höfðustöðinni sem er nýtt listasafn með verkum Hrafnhildar Arnardóttur -Shoplifter í Elliðaárdalnum. Þetta verður einhver allsherjar litasprengjutryllingur sem ég get ekki beðið eftir að sjá .

Hér mun ég svo líklega eyða stærstum hluta af mínum HönnunarMars þar sem þessi sýning verður sýnd í versluninni minni, Andrá Reykjavík. Ég get lofað því að þetta verður geggjað. Erna Einarsdóttir sýnir hér fyrstu línu undir eigin nafni en hún var áður yfirhönnuður Geysis. 

Minn HönnunarMars - mjúkloðið fuglaþema hjá Berglindi Pétursdóttur

Viðburðir fyrir matarunnendur á HönnunarMars

Minn HönnunarMars - litríkir tískuviðburðir hjá Steinunni Hrólfsdóttur

Minn HönnunarMars - litríkir tískuviðburðir hjá Steinunni Hrólfsdóttur

Deila

Tögg