Öll félög hönnuða og arkitekta með sýningu eða viðburð á HönnunarMars í maí 2021
![](https://images.prismic.io/midstod-honnunar-og-arkitekturs/82b596a1-0bb5-4b46-93bb-4a721eb502c8_hlutverk.jpeg?auto=compress,format&rect=0,0,1500,660&w=1620&h=713)
Öll fagfélög hönnuða og arkitekta standa fyrir sýningum eða viðburðum á HönnunarMars í maí 2021.
HönnunarMars er sannarlega staður þar sem hönnunarsamfélagið kemur saman þvert á greinar og kynnir allt það áhugaverða sem er að eiga sér stað hér á landi. Á HönnunarMars í ár standa öll fagfélög hönnuða og arkitekta að viðburði eða sýningu á hátíðinni og er hægt að skoða hvern viðburð fyrir sig hér fyrir neðan.
Arkitektafélag Íslands (AÍ), Félag Íslenskra landslagsarkitekta (FÍLA) og Félag húsgagna-og innanhúsarkitekta (FHI)
![](https://images.prismic.io/midstod-honnunar-og-arkitekturs/a68d4c44-25f9-4868-8afe-a5e4e5475d54_erhaeg-1.jpeg?auto=compress,format)
Arkitektafélag Íslands (AÍ), Félag Íslenskra landslagsarkitekta (FÍLA) og Félag húsgagna-og innanhúsarkitekta (FHI) sameina krafta sína á HönnunarMars í ár og halda málstofu 19. maí um heilsu og hönnun undir heitinu Er hægt að hanna heilsu?.
Fatahönnuðafélag Íslands
![](https://images.prismic.io/midstod-honnunar-og-arkitekturs/c5dac525-9158-443a-9d95-1fbea5ea9e53_indridi.png?auto=compress,format)
Fatahönnunarfélag Íslands býður til afhendingu Indriðaverðlaunanna 2020 og umræðufundar um stöðu og framtíð Íslenskrar fatahönnunar á Hönnunarmars 2021.
FÍT
![](https://images.prismic.io/midstod-honnunar-og-arkitekturs/6c2ecf9e-b676-462b-924d-7938bc27c4b6_fit.png?auto=compress,format)
FÍT Keppnin er verðlaunahátíð grafískrar hönnunar á Íslandi. Hátíðin verður rafræn í ár í gegnum streymi. Verðlaunahátíðin var send út í streymi þann 14. maí á síðu FÍT
Félag vöru- og iðnhönnuða
![](https://images.prismic.io/midstod-honnunar-og-arkitekturs/82b596a1-0bb5-4b46-93bb-4a721eb502c8_hlutverk.jpeg?auto=compress,format)
Dómnefnd á vegum Félags vöru-og iðnhönnuða valdi fjórtán hönnuði og hönnunarteymi til að vinna hugmynd að frumgerð að loknu opnu kalli. Afrakstur þriggja vikna hönnunarferlis verðursýndur í Ásmundarsal á HönnunarMars næstkomandi. Á meðan sýningunni stendur, eða þann 23. maí næstkomandi, verður blásið til uppboðs á frumgerðunum í húsakynnum Ásmundarsals, en allur ágóði rennur til hönnuða hugmyndanna.
Félag íslenskra gullsmiða
![](https://images.prismic.io/midstod-honnunar-og-arkitekturs/e3609c94-f44d-4211-9645-ef244036656e_gull.jpeg?auto=compress,format)
Undanfarin ár hafa útskrifast nokkuð stór hópur gullsmiða og að þessu sinni vill Félag íslenskra gullsmiða beina kastljósinu að þeim og gefa þeim tækifæri á að láta ljós sitt skína. Yfirskrift sýningar verður „Óður til Víravirkis“ í víðasta skilningi þess orðs.
Leirlistafélag Íslands
![](https://images.prismic.io/midstod-honnunar-og-arkitekturs/325ddd9d-0371-4553-9aa1-aaaef200b631_snagi.jpeg?auto=compress,format)
Áhugaverðar innsetningar sem dreifast víða um borgina og út á land. 11 leirlistamenn sýna snagana í rýmum bæði úti og inni, miðpunktur sýningarinnar verður í Rammagerðinni á Skólavörðustíg. Þar verða allar upplýsingar ásamt korti aðgengilegar ásamt lifandi leirvinnustofu í glugga verslunarinnar.
Textílfélagið
![](https://images.prismic.io/midstod-honnunar-og-arkitekturs/4941c838-743c-443e-8cf9-b7dca9c3b451_hmtex2021mynd_1500x660_acf_cropped.jpeg?auto=compress,format)
Samsýning meðlima Textílfélagsins þar sem þátttakendur velta fyrir sér gerð og hlutverki bóka út frá textíl.
Með verkum sínum leitast þátttakendur við að leiða áhorfandann í gegnum sögur með því í að kryfja efni niður í smáatriði og afhjúpa dulin augnablik. Hversu langt er hægt að teygja textílform?