Opinn fyrirlestur um sjálfbærni í arkitektúr frá Arnhildi Pálmadóttur
![](https://images.prismic.io/midstod-honnunar-og-arkitekturs/65e59db5676dc480aae08fce_Arnhildur.jpeg?auto=format%2Ccompress&rect=0%2C0%2C2000%2C1333&w=1620&h=1080)
Arnhildur Pálmadóttir, arkitekt FAÍ, verður með fyrirlestur í Fenjamýri, Grósku á morgun, þriðjudaginn 5. mars kl. 17. Þar mun hún fjalla um eigin verkefni og aðferðafræði í átt að sjálfbærum arkitektúr. Fyrirlesturinn er á ensku og opinn öllum.
Tilefnið er samstarfsverkefni á milli arkitektúrdeildar þýska háskólans, HAWK (Hochschule für Angewandte Wissenschaft und Kunst) í Hildesheim, og Listaháskóla Íslands þar sem nemendur hafa verið í vinnustofu sem tengist nýjum Listaháskóla í Tollhúsinu og endurnýting byggingarefna undir yfirskriftinni Reusing Recycling Rebuilding „Transforming Tollhúsið“.
Fyrirlesturinn verður á ensku, en í honum mun Arnhildur fjalla um eigin verkefni og aðferðarfræði í átt að sjálfbærum arkitektúr. Efnið tengist sýningunni Wasteland í Norræna húsina, sem dansk-íslenska nýsköpunar og arkítektastofan Lendager stendur að, en Arnhildur er einn eiganda Lendager á Íslandi.
![](https://images.prismic.io/midstod-honnunar-og-arkitekturs/65e59db4676dc480aae08fcd_Arnhildur3.jpeg?auto=format,compress)
![](https://images.prismic.io/midstod-honnunar-og-arkitekturs/65e59db3676dc480aae08fcc_Arnhidlur2.jpeg?auto=format,compress)