Saman HönnunarMarkaður - Opið fyrir umsóknir um þátttöku til og með 28. febrúar.

Saman HönnunarMarkaður - Opið fyrir umsóknir um þátttöku til og með 28. febrúar.

Saman HönnunarMarkaður er nýjung í dagskrá HönnunarMars og er unnin af teymi Saman ~ menning & upplifun. Markaðurinn, sem verður upptaktur hátíðarinnar er haldinn í fyrsta skipti helgina 29 - 30 mars, í Listasafni Reykjavíkur, Hafnarhúsi.

HönnunarMarkaður er vettvangur sem sameinar mismunandi greinar hönnunar og arkitektúrs. Skapaður jafnt fyrir almenning og hönnuði þar sem hægt verður að finna eldri lagera sem hættir eru í framleiðslu, síðustu eintökin, frumgerðir og sýningareintök sem ekki hafa sést áður. Almenningur getur komið og gert "góðan díl" á sama tíma og hönnuðir fá að taka til á lagernum og rýma fyrir nýjum uppsprettum framtíðarinnar!

Opið er fyrir umsóknir til og með þriðjudaginn 28. febrúar. Sækja um þáttöku hér

Til að sækja um þátttöku þarf að fylla út umsóknarform, með umsókninni þurfa að fylgja upplýsingar um þátttakanda, myndefni og texti um það sem verður í boði á markaðnum. Athugið að upplýsingar sem fram koma á umsókn verða notaðar í kynningarefni. Fagráð fer yfir umsóknir að fresti loknum, svör berast mánudaginn 3 mars. 

Hér má finna umsóknar HLEKK

Fagráð skipa Baldur Björnsson, Björn Blumenstein, Guðfinna Mjöll Magnúsdóttir, Helga Kjerulf og Þórey Björk Halldórsdóttir, 

Saman leitar einnig að uppákomum og dagskrárliðum sem staðsett verða í fyrirlestrarsal á móti portinu og á barnum á efri hæð safnsins. Áhugasamir hafið samband á: honnunarmarkadur@honnunarmidstod.is