Markaðsstofa Reykjaness leitar að teymi tveggja nemenda til að kortleggja útilistaverk og áhugaverðan arkitektúr á Reykjanesi. Teymið þarf að vera skipað annars vegar nemenda í arkitektúr og hins vegar listum, hönnun eða menningarmiðlun. Um er að ræða verkefni sem stendur yfir í tvo mánuði á tímabilinu júní-ágúst 2023.

Kortleggja útilistaverk og áhugaverðan arkitektúr.

Safna upplýsingum og þekkingu á menningarverðmætum sem liggja í útilistaverkum og byggingarlist á Suðurnesjum. 

Velja úr og vinna upplýsingar til miðlunar út frá því efni sem er safnað inná vefinn visitreykjanes.is.

Í lok tímabilsins skila nemendur skýrslu yfir öll útilistaverk á svæðinu og áhugaverðan arkitektúr. 

Nemandi í arkitektúr, hönnun, listum eða menningarmiðlun

Þarf að hafa gott vald á íslensku og ensku

Nemendur hafa aðgang að skrifstofurými hjá Markaðsstofu Reykjaness á meðan á verkefninu stendur. 

Umsjónaraðili verkefnisins er Þuríður Aradóttir Braun hjá Markaðsstofu Reykjaness, auk ráðgjafa hjá Miðstöð hönnunar og arkitektúrs og Arkitektafélagi Íslands. Frekari upplýsingar má nálgast hjá umsjónaraðila verkefnisins thura@visitreykjanes.is. 

Umsóknir skal senda á netfangið thura@visitreykjanes.is með ferilskrá og kynningarbréfi, fyrir 8. maí n.k.

Verkefnið er stutt af Nýsköpunarsjóði námsmanna og Uppbyggingasjóði Suðurnesja.

HönnunarMars fyrir áhugafólk um arkitektúr

35.000 íbúðir á 10 árum: Hvernig er best að gera þetta?

Sumarstarf fyrir arkitektanema

Deila

Tögg