Sýningin Skilaboð opnar í Hönnunarsafni Íslands
![](https://images.prismic.io/midstod-honnunar-og-arkitekturs/f56fb67e-c1b1-4973-91a7-014d0f84c015_63C15D7D-C63F-4C94-BBC6-A9FA54F98150.jpg?auto=compress,format&rect=0,0,828,612&w=1620&h=1197)
Grafísku hönnuðirnir Katla Einarsdóttir og Una María Magnúsdóttir opna nýja sýningu í Hönnunarsafni Íslands, föstudaginn 24. nóvember kl. 17 sem ber nafni Skilaboð.
Þessa stundina er ein af sýningunum á Hönnunarsafninu föst sýning. Þetta er sýningin Hönnunarsafnið sem heimili, yfirlitssýning yfir muni úr safneign Hönnunarsafnsins sett upp sem grunnmynd af heimili. Til þess að virkja sýninguna í þau fjögur ár sem hún mun standa verða reglulega settar inn í hana svokallaðar „heimsóknir” þar sem hönnuðir og listamenn setja upp tímabundnar sýningarheimsóknir inn á sýninguna. Sýningin Skilaboð er einmitt sú fyrsta af þessum „heimsóknum“.
Með tilkomu nýrra miðla hafa samskipti á milli heimilisfólks breyst og þróast. Samtölum, símtölum og post-itmiðum fækkar og talblöðrur taka við. Í „heimsókninni” Skilaboð skoða hönnuðirnir Katla og Una María skilaboð á milli heimilisfólks á samskiptamiðlum og eru þeirra skondnu hliðar sérstaklega dregnar fram.
![](https://images.prismic.io/midstod-honnunar-og-arkitekturs/2315e942-2783-4d6b-bde5-21588d5d0ec8_Skilabo%C3%B0.jpg?auto=compress,format)