ÞYKJÓ hlýtur tilnefningu til YAM Awards

Hönnunarteymið Þykjó hlaut á dögunum tilnefningu til alþjóðlegu verðlaunanna YAM awards í flokknum Best Participation Project fyrir þátttökuverkefnið Gullplatan - Sendum tónlist út í geim. Verðlaunin verða veitt í Brasilíu þann 9. nóvember næstkomandi.

ÞYKJÓ voru listrænir stjórnendur, framleiðendur og hönnuðu allt útlit og umgjörð verkefnisins en samstarfsaðilar voru Harpa, Vísindasmiðjan, Space Iceland, Siggi&Ingibjörg, Sóley Stefánsdóttir, Edda Elísabet Magnúsdóttir, Dagný Arnalds og Halldór Baldursson. Verkefnið var styrkt af Barnamenningarsjóði, List fyrir alla, Big Bang Festival og Tónlistarborgin Reykjavík.

Þykjó eru eitt af þremur verkefnum sem tilnefnd eru í flokknum, annað frá Austurríki og hitt Suður-Afríku.

Um verðlaunin:

YAM (Young Audiences Music) er opinber dagskrár JM International (JMI), stærsta félagasamtaka í tónlist fyrir ungt fólk í heiminum. Vettvangurinn er tileinkaður því að færa börnum og ungmennum um allan heim lifandi tónlist ( 20.000+ tónleikar haldnir árlega) auk þess að veita fagfólki stuðning í þessu rými. YAM leggur barnasáttmála Sameinuðu þjóðanna* til grundvallar og vinnur að því að tryggja aðgengi allra barna og ungmenna að tónlist og menningu sem grundvallarmannréttindi. Frá því að verðlaunahátíðin var sett á laggirnar árið 2008 hafa aðeins þau bestu í Young Audiences Music hlotið verðlaunin. Handverk, dýpt frásagnar og ástríðan sem einkennir hvern úrslitaþátt og sigurvegara er vitnisburður um hvað þarf til að virkja og vekja áhuga ungra áhorfenda. Og í ár var ekki annað uppi á teningnum.

Um flokkinn:

Framkvæmd tónlistarverkefnis fyrir unga áhorfendur þar sem ferlið vegur þyngra en listræna útkoman. Í þessum flokki er áhersla lögð á verkefni sem fela í sér að krakkar taki þátt í eða séu áhugamenn um tónlist, hvort sem um er að ræða flutning, tónsmíðar, samframleiðslu eða einfaldlega að nota tónlist til að vekja áhuga krakka á hugmyndum og hugtökum. Mikilvægast er að ungir áhorfendur taki beinan þátt í sköpunarferlinu.