Málstofur um aðgengi er liður í samstarfi um upplýsingagjöf um algilda hönnun. 

Nú er komið að þriðju málstofunni, í málstofuröð um aðgengismál, Góð hönnun er fyrir alla. Á þessari þriðju málstofu er áhersla á aðgengismál fyrir yngri kynslóðina-skóla og leikskólar. Málstofan fer fram í hádeginu miðvikudaginn 25. janúar í LHÍ, Þverholti.

Harpa Cilia frá HMS. Hún mun taka fyrir heildræna nálgun og tala almennt um kröfur og lausnir. 

Lísa Kjartansdóttir, innanhússarkitekt (FHI), mun ræða um aðgengi innanhúss í grunnskólum og leikskólum. Hún mun taka fyrir tvö dæmi, Stapaskóla í Reykjanesbæ og leikskólann, Brákarborg Klöpp, í Reykjavík

Grunnskólanemandi segir frá upplifun sinni.

Þann 5. maí 2022 var undirrituð samstarfsyfirlýsing Öryrkjabandalags Íslands (ÖBÍ), Arkitektafélags Íslands (AÍ), Félags íslenskra landslagsarkitekta (FÍLA), Félags húsgagna- og innanhússarkitekta (FHI), Byggingafræðingafélags Íslands (BFÍ) og Húsnæðis- og mannvirkjastofnunar (HMS) um bætta upplýsingagjöf í aðgengismálum fyrir hönnuði í mannvirkjagerð.

Með samstarfi þessu er opnað á nauðsynlegt samtal með því markmiði að allir geta notið hins manngerða umhverfis. Þannig er stuðlað að meira jafnrétti fatlaðra og ófatlaðra í hinu daglega lífi.

Hvenær: Miðvikudaginn 25. janúar kl. 12.00-13.00

Hvar: LHÍ, Fyrirlestrarsal A (kjallari), Þverholt 11.

Handverk í arkitektúr! Opinn fyrirlestur með Degi Eggertssyni 

Stefnumót hringrásar - opinn fundur í Grósku

Hvert er steinsteypt mannvirki ársins 2023? 

Aðgengismál fyrir yngri kynslóðina: Skólar og leikskólar

Deila

Tögg