Arkitektafélag Íslands augýsir eftir ábendingum vegna tilnefninga til Mies van der Rohe verðlaunanna í samtímaarkitektúr 2026

Verðlaunin eru afhent annað hvert ár. Hlutverk þeirra er að varpa ljósi á framúrskarandi verkefni á sviði arkitektúrs í Evrópu og vekja athygli á hugmyndaauðgi og tæknilegri framþróun meðal evrópskra fagmanna í byggingarlist. Frekari upplýsingar um verðlaunin má finna hér: 

https://eumiesawards.com/

Arkitektafélagið má að hámarki tilnefna fimm verkefni til verðlaunanna 2026. 

Verklok þeirra verkefna sem eru gjaldgeng til tilnefningar þurfa að hafa verið á milli 1. maí 2023 og 30. apríl 2025. 

Arkitektafélaginu er boðið að tilnefna verk meðlima sinna sem byggð eru á Íslandi en einnig verk sem uppfylla eftirfarandi skilyrði:

• Verkin eru eftir höfunda frá öðrum Evrópulöndum en staðsett á Íslandi.
• Verkin eru eftir meðlimi Arkitektafélags Íslands en staðsett í öðrum Evrópulöndum.

Arkitektafélagið hefur skipað þriggja manna valnefnd: 

• Önnu Maríu Bogadóttur arkitekt
• Árný Þórarinsdóttur arkitekt
• Hrólf Karl Cela arkitekt (formaður nefndar)

Skiladagsetning ábendinga er klukkan 12:00 á hádegi þann 30. júní 2025.

Arkitektafélag Íslands skilar tilnefningum til Mies van der Rohe Awards 14. júlí 2025.

Verðlaunaafhending verður í maí 2026. 

Vinsamlegast sendið ábendingar á Arkitektafélag Íslands: ai@ai.is með yfirskriftinni: MvdR Awards 2026 - Ábending - Titill verks

Öllum er frjálst að senda ábendingar um verkefni svo lengi sem þau uppfylla skilyrði verðlaunanna. 

Sé viðkomandi höfundur ekki meðlimur í Arkitektafélagi Íslands getur hann haft samband við AÍ varðandi inngöngu á netfanginu ai@ai.is