Festa opnar fyrir umsóknir að Aðildi - fyrir nýsköpunar - og hönnunarfyrirtæki

2. nóvember 2020

Festa hef­ur sett á stofn Að­ildi – fellows­hip pró­gram sem fel­ur í sér að­ild að Festu í eitt ár fyr­ir 10 sprota eða nýsköpunarfyrirtæki, hönnunarfyrirtæki eða aðila sem starfa með heimsmarkmið sameinuðu þjóðanna að leiðarljósi og leggja áherslu á samfélagsþróun, umhverfismál og sjálfbærni. 

Heim­ur­inn er að breyt­ast hratt á tím­um fjórðu iðn­bylt­ing­ar­inn­ar, heimsfar­aldra, hlýn­un­ar jarð­ar og annarra sjálfbærni áskor­ana. Þessu fylgja gríðar­lega spenn­andi tæki­færi á sviði ný­sköp­un­ar og fyr­ir­tækjarekst­urs, ekki síður en áskor­an­ir sem krefjast öfl­ugs, fram­sýns og skap­andi hug­vits sem kall­ar ekki allt ömmu sína og teng­ir hiklaust sam­an geira og sér­grein­ar til að skynja tíð­ar­and­ann sem best og finna lausn­ir á áskor­un­um.

Aðili fá

  • Að­gang að öll­um upp­lýs­inga- og tengsla­fund­um Festu, sem eru ein­ung­is fyr­ir að­ild­ar­fé­lög og allt að 8 talsins yf­ir ár­ið. Á tengsla­fund­um heim­sækj­um við fyr­ir­tæki á Ís­landi sem eru leið­andi á sviði sjálf­bærni og sam­fé­lags­ábyrgð­ar, rýn­um í veg­ferð þeirra og deil­um lausn­um, pæl­ing­um og nýrri þekk­ingu.
  • Að­gang að Janú­ar­ráð­stefnu Festu, vinnu­stof­um, nám­skeið­um og öðr­um við­burð­um á verði að­ild­ar­fé­laga.
  • Ein­staka veg­ferð sem dýpk­ar þekk­ingu og stækk­ar verk­færa­k­ist­una á sviði sjálf­bærni, sam­fé­lags­ábyrgð­ar, ný­sköp­un­ar, al­þjóð­legr­ar þró­un­ar og hringrás­ar­hag­kerf­is­ins.
  • Ein­staka inn­sýn inn í sam­spil op­in­bera geir­ans og einka­geir­ans þeg­ar kem­ur að fram­þró­un at­vinnu­lífs á þess­um vett­vangi. For­skot í heimi þar sem vænt­ing­ar til sam­fé­lags­ábyrgð­ar og sjálf­bærni, við­skipta- og fjárfestinga­tæki­fær­um þeim tengd­um eru í ör­um vexti. Tæki­færi til að læra af helstu sér­fræð­ing­um hér­lend­is og er­lend­is.
  • Skír­teini í lok tíma­bils­ins sem stað­fest­ir virka þátt­töku í verk­efn­inu.
  • Festa kynn­ir ykk­ur á Janú­ar­ráð­stefnu sinni 2021, sem er fjöl­sótt­asta sjálfbærni­ráð­stefn­an á Ís­landi.
  • Allt þetta, ykk­ur að kostn­að­ar­lausu!

Hvernig get ég eða mitt fyr­ir­tæki orð­ið Að­ildi?

  • Skrif­aðu texta þar sem seg­ir af hverju þig dreym­ir um að vera Að­ildi og hvað þú og þitt fyr­ir­tæki hafa til brunns að bera til að færa okk­ur hrað­ar í átt að sjálf­bærri ný­sköp­un og fyr­ir­tækja­rekstri.
  • Skrif­aðu hnit­mið­að og ekki meira en 500 orð.

Um­sókn­ar­frest­ur og von á tíð­ind­um:

  • Um­sókn­ar­frest­ur er 30. nóv­em­ber 2020.
  • Til­kynnt verð­ur form­lega hverj­ir verða Að­ildi 2021 á Janú­ar­ráð­stefnu Festu 28. janú­ar 2021.
  • Til að sækja um á að senda email á festa@sam­felagsa­byrgd.is og skýra póst­inn “Um­sókn um Að­ildi”

Hverj­ir geta sótt um?

  • Lít­il og ör­fyr­ir­tæki, sprot­ar og ný­sköp­un­ar­fyr­ir­tæki.
  • Hönn­un­ar­fyr­ir­tæki.

Festa leitar að öfl­ug­um ein­stak­ling­um sem hugsa á dýpt­ina, út­frá heimspeki­legu og sið­fræði­legu sjón­ar­horni um þró­un­ina á Ís­landi og í heim­in­um. Í hvernig sam­fé­lagi vilj­um við búa?

Við viljum þig! 😍 - Ef þú hefur brennandi áhuga á sjálfbærni, hringrásarhagkerfinu, nýsköpun, heimsmarkmiðum Sþ, framsæknum viðskiptamódelum, breyttum heimi, áskorunum og tækifærum þá skaltu tékka á Aðildi 2021 á samfelagsabyrgd.is/verkefnin/ Umsóknarfrestur 30. nóvember 🌟🤸🏾‍♂️🕺🏽

Posted by Festa - miðstöð um samfélagsábyrgð og sjálfbærni on Wednesday, November 25, 2020

Festa er mið­stöð um sam­fé­lags­ábyrgð eru frjáls fé­laga­sam­tök með að­set­ur í Há­skól­an­um í Reykja­vík. Hlut­verk Festu er að auka þekk­ingu á sam­fé­lags­ábyrgð fyr­ir­tækja, stofn­ana og hverskyns skipu­lags­heilda til að til­einka sér sam­fé­lags­lega ábyrga starfs­hætti og stuðla að auk­inni sjálf­bærni.

Festa eyk­ur vit­und í sam­fé­lag­inu og hvet­ur til sam­starfs og að­gerða á þessu sviði. Festa er því brú­arsmið­ur og leið­ar­ljós. Festa teng­ir sam­an ólíka að­ila; fyr­ir­tæki, sveita­fé­lög og ein­stak­linga sem vilja vera leið­andi á sviði sam­félags­ábyrgð­ar og sjálf­bærni.

Dagsetning
2. nóvember 2020
Höfundur
Álfrún Pálsdóttir

Tögg

  • Greinar
  • Festa
  • Fagfélög