Mars færist fram í maí 2021! Stærsta hönnunarhátíð landsins HönnunarMars fer fram dagana 19-23. maí 2021. 

Mars færist fram í maí 2021. Stærsta hönnunarhátíð landsins HönnunarMars fer fram dagana 19-23. maí 2021. 

Stjórn hátíðarinnar tók ákvörðun þess efnis, bæði í ljósi yfirstandandi heimsfaraldurs og óvissunni sem því fylgir og sömuleiðis gríðarlega góðum viðtökum bæði þátttakenda og gesta við HönnunarMars í júní sem fór fram dagana 24.-28. júní. 

Þórey Einarsdóttir, stjórnandi HönnunarMars 

HönnunarMars er 12 ára hátíð sem fæddist í miðju hruni og hefur frá upphafi verið boðberi bjartsýni, nýsköpunar og nýrra leiða. Hátíðin mun halda áfram að koma inn með krafti, veita innblástur og gleði ásamt að varpa ljósi þann kraumandi skapandi kraft sem hönnunarsamfélagið hér á landi hefur að geyma. Við vitum hvorki hvað framtíðin ber í skauti sér né hvernig hátíðarhald verður en ljóst er að alltaf verður þörf á samtalinu. Því ber okkur skylda að halda ótrauð áfram. Það eru bjartari tímar fram undan, HönnunarMars 2021 verður með nýju sniði í takt við nýja tíma.

HönnunarMars, sem eins og nafnið gefur til kynna, hefur frá upphafi 2009 farið fram í marsmánuði en hið óvenjulega ár 2020 færði hátíðina fram í júní. Um 80 sýningar og 100 viðburðir breiddu úr sér á höfuðborgarsvæðinu þar sem gestum gafst tækifæri að sækja sér innblástur og kynnast grósku íslenska hönnunarsamfélagsins.

HönnunarMars er ein af sex borgarhátíðum Reykjavíkur en þar leiðir framsækin hönnun og nýjungar saman sýnendur og gesti. Hátíðin boðar nýjungar og óvænta nálgun og er lífleg höfn hugmynda, ólíkra sjónarmiða og þekkingar, hreyfiafl sem auðgar og bætir samfélagið.

HönnunarMars er boðberi bjartsýni og skapandi krafta í samfélaginu. Þar gefst tækifæri til að beina sjónum að hönnun sem drifkraft til nýsköpunar og sýna hversu mikilvægu hlutverki þessar greinar gegna í samfélaginu.

Opnað verður fyrir umsóknir þátttakenda mánudaginn 2. nóvember næstkomandi og lýkur þann 30. nóvember. 

Hér má nálgast allar upplýsingar varðandi hátíðina, umsóknarferli og fleira. 

HönnunarMars tekur þátt í Dutch Design Week með Studio 2020

Studio 2020 á HönnunarMars: Hönnunarspjall eitt

Studio 2020 á HönnunarMars: Hönnunarspjall tvö

Studio 2020 á HönnunarMars: Hönnunarspjall þrjú

HönnunarMars 2021 fer fram í maí

Deila

Tögg