Hvernig er best að HönnunarMars- era? HönnunarMars 2023

Nú er HönnunarMars að hefjast en frá 3. - 7. maí mun borgin iða af lífi með fjölda sýninga og viðburða sem fara fram  um allt höfuðborgarsvæðið - Skapandi kraftar, innblástur, fegurð og fögnuður eru allsráðandi. Allt frá arkitektúr, grafískri hönnun, fatahönnun, stafrænni hönnun, vöruhönnun og allt þar á milli. Hér er allt sem þú þarft að vita til að njóta hátíðarinnar til hins ítrasta.

Frítt er inn á alla viðburði HönnunarMars
*nema DesignTalks ráðstefnuna í Hörpu. Byrjaðu hátíðina af krafti og tryggðu þér miða á viðburð fullan af innblæstri með alþjóðlegum og innlendum snillingum sem deila spennandi hugmyndum og framtíðarsýn.

• Miðvikudagur 3.05: kl. 18:00 – 21:00
• Fimmtudagur 4.05 kl.16:00 – 21:00
• Föstudagur 5.05 kl. 11:00 – 21:00
• Laugardagur 6.05 kl. 12:00 – 17:00
• Sunnudagur 7.05 kl. 13:00 – 17:00

* Við mælum með að gestir kynni sér nákvæmarii opnunartíma undir hverju sýningarspjaldi á dagskrársíðu HönnunarMars.

Á heimasíðu HönnunarMars er yfirlit yfir allar sýningar hátíðarinnar. Þar er góð leitarvél þar sem hægt er að flokka sýningar eftir sýningarsvæðum, áhugasviðum, fögum og dögum.

Sýningar og viðburðir dreifast viða um  höfuðborgarsvæðið. Mesti þunginn er í miðborg Reykjavíkur; á Hafnartorgi, Laugavegi, úti á Granda, í Hörpu, Ásmundarsal, Grósku,Norræna húsinu, Listasafni Reykjavíkur Hafnarhúsi, svo nokkur dæmi séu tekin. Utan miðborgarinnar má t.d. finna sýningar og viðburði í Hönnunarsafni Íslands, Gerðarsafni, Slökkvistöðinni í Gufunesi, Elliðaárdal og í Skeifunni. Kíktu á kortið  hér eða á heimasíðu hátíðarinnar til að fá sem besta yfirsýn yfir sýningarsvæðin!

Hvað, hvenær og hvert? Við erum með svörin. 

• Skráðu þig á fréttabréf HönnunarMars á heimasíðunni og fáðu dagskrá hvers dags beint inn í pósthólfið á hverjum degi. 
• Fylgstu með okkur á Facebook og Instagram til að fá hátíðina beint í æð á meðan á henni stendur! @designmarch 

Viðburðir okkar eru staðsettir víðs vegar um höfuðborgarsvæðið í margs konar húsakynnum. Við mælum með að spyrjast fyrir um aðgengi á þeim stað sem þú hyggst sækja.