Michael Hendrix, alþjóðlegur hönnunarstjóri og meðeigandi IDEO, kemur fram á DesignTalks 3. maí í Hörpu. DesignTalks ráðstefnan hefur öðlast fastan sess hérlendis og er vel þekkt alþjóðlega sem mikilvægur vettvangur innblásturs og samtals um helstu þróun og breytingar sem drifnar eru áfram með aðferðum hönnunar og arkitektúrs.  

Michael Hendrix, alþjóðlegur hönnunarstjóri og meðeigandi IDEO, kemur fram á DesignTalks 2023 í Hörpu miðvikudaginn 3. maí. 

Sama hvaða skapandi miðil er verið að fást við, þá er ferlið og hugarfarið alltaf það sama. Þegar þú áttar þig á því hvernig sköpun virkar þá getur þú alltaf skapað skilyrði fyrir nýsköpun, ekki bara í listinni, heldur í öllu sem þú tekur þér fyrir hendur.

Michael Hendrix er alþjóðlegur hönnunastjóri og meðeigandi hönnunar- og nýsköpunarfyrirtækisins IDEO. Þar hefur hann unnið að fjölbreyttum verkefnum um heim allan, allt frá hlutum fyrir heimilið yfir í þjóðaröryggi. Samhliða hefur Michael starfað sem aðstoðarprófessor í viðskiptafræði við Berklee tónlistarháskólann. Fyrsta bókin hans Two Beats Ahead: What Musical Minds Teach Us About Innovation, sem hann skrifaði með Panos A. Panay, forseta GRAMMY verðlaunanna, fjallar um hvernig hönnuðir og tónlistarfólk hugsa á svipaðan hátt þegar kemur að sköpunarferlinu og nýsköpun. Í bókinni má finna viðtöl við tónlistarfólk á borð við Pharrell, T Bone Burnett og Björk.  

Michael á að baki langan og fjölbreyttan feril og hefur m.a. starfað við grafíska hönnun, markaðssetningu, vöru- og vörumerkjaþróun, kennslu og framkvæmdastjórn. Michael er frumkvöðull í eðli sínu og hefur m.a. komið að stofnun ólíkra námsleiða í listgreinum á ólíkum námsstigum, stofnað hönnunarvettvang og fyrirtæki í tónlistargeiranum. Nýjasta fyrirtæki hans, Tricycle, hefur hlotið sérstaka athygli Business Week, Fortune og hjá hönnunarsafni Smithsonian Cooper-Hewitt fyrir að vera leiðandi í hugsun í sjálfbærri hönnun. 

DesignTalks 2023 fer fram miðvikudaginn 3. maí í Silfurbergi í Hörpu. Stjórnandi er Hlín Helga Guðlaugsdóttir.

Í ár mun DesignTalks takast á við spurninguna Hvað nú? / What now?, staldra við, fást við áskoranir líðandi stundar, velta upp og kanna mögulegar leiðir - og ef vel tekst til, vekja enn fleiri spurningar!

DesignTalks ráðstefnan varpar ljósi á mikilvægi hönnunar og arkitektúrs í samfélagslegum og hnattrænum breytingum, með erindum um áhrifamikil verkefni og innblásnum samtölum. Hönnuðir, arkitektar og skapandi hugsuðir, erlendir og innlendir veita innsýn í brýn viðfangsefni af öllu hjarta. Ekkert er utan seilingar.

Viltu fjölmenna og panta fyrir hóp? Vinsamlegast hafðu samband við midasala@harpa.is s. 5285050. Við minnum einnig á að kanna möguleika á niðurgreiðslu stéttarfélaga vegna miðakaupa.

DesignTalks 2023 - Paola Antonelli, yfirsýningarstjóri arkitektúrs og hönnunar hjá MoMA, framleiðandi MoMA Salon R&D og stofnandi Design Emergency

DesignTalks 2023 - Odile Decq, arkitekt og borgarskipulagsfræðingur 

DesignTalks 2023 - Natsai Audrey Chieza, stofnandi og framkvæmdarstjóri Faber Futures

DesignTalks 2023 - Peter Veenstra, landslagsarkitekt og einn stofnandi LOLA Landscape Architects

DesignTalks 2023 - Sigríður Sunna Reynisdóttir, stofnandi og listrænn stjórnandi ÞYKJÓ

DesignTalks 2023 - Pavel Vrzheshch, stofnandi og listrænn stjórnandi úkraínsku auglýsingastofunnar Banda

DesignTalks 2023 - Michael Hendrix, alþjóðlegur hönnunarstjóri og meðeigandi IDEO

Deila

Tögg