Opið fyrir umsóknir í Barnamenningarsjóð

Sjóðurinn styður við fjölbreytta starfsemi á sviði barnamenningar með áherslu á sköpun, listir og virka þátttöku barna í menningarlífi. Umsóknarfrestur rennur út 4. apríl 2025 kl. 15.00.

Verkefni sem stuðla að lýðræðislegri virkni barna í samfélaginu eða taka mið af inntaki Barnasáttmála Sameinuðu þjóðanna hafa sérstakt vægi.

Áhersla er lögð á samstarf tveggja aðila eða fleiri, svo sem félagasamtaka, skóla, listafólks og menningarstofnana og er hvatt til þess að samstarfsverkefni séu unnin í samstarfi ólíkra aðila.

Ef umsækjandi hefur þegar hlotið styrk úr sjóðnum kemur ný umsókn ekki til álita nema að loka- eða áfangaskýrslu sé skilað fyrir umsóknarfrest.

Umsóknarfrestur rennur út 4. apríl 2025 kl. 15.00.

Reglur sjóðsins, matskvarða og tengil á umsókn er að finna á síðu Barnamenningarsjóðs.