Opið er fyrir umsóknir í Hönnunarsjóð. Um er að ræða síðari úhlutun ársins 2023 en umsóknarfrestur rennur út þann 21. september næstkomandi. Hægt er að sækja um þrjár tegundir styrkja auk ferðastyrkja. 

Hönnunarsjóður veitir styrki til margvíslegra verkefna á sviði hönnunar og arkitektúrs: þróunar og rannsókna, verkefna og markaðsstarfs auk ferðastyrkja.

Hlutverk Hönnunarsjóðs er að efla þekkingu, atvinnu- og verðmætasköpun á sviði hönnunar og arkitektúrs með fjárhagslegum stuðningi en sjóðurinn er fjármagnaður af stjórnvöldum. 

Hönnunarsjóður stuðlar einnig að auknum útflutningi íslenskrar hönnunar með því að styrkja kynningar- og markaðsstarf erlendis.

Á þessu ári hækkaði sjóðurinn upp í 80 milljónir og samhliða því varð sú breyting á að hámark styrkja hækkaði upp í 10 milljónir og ferðastyrkir upp í 150 þúsund hver.  

Hönnunarsjóður veitir þrennskonar almenna styrki: 

Þróunar- og rannsóknarstyrkir: Styrkir rannsóknir og þróun nýrra hugmynda eða lausna. 

Verkefnastyrkir: Styrkir nýjar hugmyndir eða lausnir sem búið er að þróa og móta og eru komin á útfærslu- og framkvæmdastig. 

Markaðs- og kynningarstyrkir: Styrkir verkefni sem komin eru af útfærslu- og framkvæmdastigi og eru fullmótuð og tilbúin til markaðssetningar. 

Ferðastyrkir auka möguleika hönnuða og arkitekta á því að taka þátt í erlendum samstarfs- og kynningarverkefnum, sýningum, viðburðum, ráðstefnum eða viðskiptastefnumótum. Hægt er að sækja um ferðastyrk fyrir einn einstakling eða fleiri til sömu ferðar. Mælt er með því að umsækjendur ferðastyrkja vegna sama verkefnis/ferðar sæki um sem hópur en ekki hver fyrir sig. 

Hönnunarsjóður 2022

Hér er hægt að nálgast frekari upplýsingar um sjóðinn og sækja um. Umsóknarfrestur rennur út þann 21. september. 

Hönnunarverðlaun Íslands veitt í tíunda sinn

Arkitektafélag Íslands og Miðstöð hönnunar og arkitektúrs á UIA2023

Opið fyrir umsóknir í Hönnunarsjóð

Deila

Tögg