Fyrsta desember rennur út skilafrestur til þess að senda inn tillögur í opnu kalli fyrir Hugarflug rannsóknaráðstefnu Listaháskóla Íslands sem fer fram í febrúar 2022. Þemað í ár er enginn er eyland / Collective care. Ráðstefnan er opin öllum.

Þemað, Enginn er eyland (e. Collective Care), snýr að því hvernig hver manneskjan er hluti af heild, stundum mörgum heildum. Hvernig hver upplifun og gjörð er bundin stærra samhengi. Hvernig við flæðum, í stað þess að standa föst; hvernig við höldum utan um, frekar en að standa ein; hvernig við horfumst í augu við þann möguleika að ekkert eitt okkar geti reitt fram lausn, heldur liggi hún í samtakamættinum, nú og til framtíðar.   

Þáttakendur, nemendur, kennarar, listafólk, hönnuðir, arkitektar og fræðafólk, eru hvattir til að nýta sér fjölbreyttar aðferðir, miðla og nálganir til að finna framlagi sínu viðeigandi umgjörð og form. Framlag gæti til dæmis tekið á sig efnislegt eða sjónrænt form (sýning, innsetning, grafísk miðlun), verið sett á svið (flutningur, gjörningur, inngrip) eða sett fram í orði (fyrirlestur, Pecha Kucha, sjálfsviðtal/samtalsform, hringborðsumræður, málstofa, vinnusmiðja). Fyrir utan erindi, málstofur og vinnustofur verður aðeins tekið á móti fullunnum tillögum á borð við myndböndum, hljóði, ljósmyndum, texta og/eða öðrum kynningum á listrannsóknum, listsköpun, hönnun og arkitektúr. Þátttakendur eru einnig sérstaklega hvattir til að gera tillögu að samsettum málstofum eða viðburðum þar sem fleiri en eitt framlag tvinnast saman í eina heild. 

Ráðstefnunefnd 2022 skipa Guðbjörg R. Jóhannesdóttir, Hanna Styrmisdóttir, Hulda Stefánsdóttir, Magnea Einarsdóttir, Massimo Santanicchia, Nína Sigríður Hjámarsdóttir, Þórhallur Magnússon, Elín Þórhallsdóttir og Karólína Stefánsdóttir. 

Hönnuðu Teninginn, verðlaunagrip Verkfræðingafélags Íslands

Opið fyrir umsóknir á jólamarkað POPUP Verzlun í Hafnarhúsi

Þórir Baldvinsson arkitekt | Ný bók um framúrstefnumanninn og funksjónalistann

Opið kall fyrir Hugarflug rannsóknaráðstefnu Listaháskóla Íslands

Deila

Tögg