Framtíðin vakti áhuga á vel heppnuðum fyrsta fyrirlestri vetrarins

Það var ánægjulegt að sjá hversu margir mættu til að hefja daginn á samtali um framtíðina.

Christian Bason, stjórnmálafræðingur, rithöfundur og frumkvöðull á sviði nýsköpunar og hönnunar flutti erindi ásamt Bergi Ebba Benediktssyni, framtíðarfræðingi og rithöfundi. Þeir nálguðust framtíðina frá ólíkum sjónarhornum og vöktu gesti til umhugsunar um þær breytingar sem þegar eru hafnar og þær sem bíða handan við hornið.

Í kjölfarið tóku Selma Rut Þorsteinsdóttir, yfirsköpunarstjóri hjá Piparog formaður SÍA og Halldóra Vífilsdóttir, arkitekt og framkvæmdastjóri Nordic Office of Architecture, þátt í umræðum með þeim Christian og Bergi Ebba. Bergur Finnbogason, sköpunarstjóri hjá Fenris Creation, stýrði samtalinu.

Framtíðin er stórt umræðuefni og höfðu hver og einn í panel eitthvað til málanna að leggja. Þessi morgunstund minnti okkar á það hversu mikilvægt og gefandi það er að skapa vettvang þar sem við getum rætt saman um áhugaverð og mikilvæg málefni.

Miðstöð hönnunar og arkitektúrs þakkar öllum þeim sem mættu og tóku þátt í frábærum morgni. Það er fátt betra en að byrja daginn á nýjum hugmyndum, góðu samtali og smá innblæstri.