MasterClass með Christian Bason: Endurhugsum hvernig við sköpum verðmæti
Miðvikudaginn 16. september býður MH&A upp á MasterClass með Christian Bason í Grósku fyrir stjórnendur og fagfólk í skapandi greinum. Á námskeiðinu, sem byggir á aðferðarfræði bókar Christian, Expand, býður Christian stjórnendum og fagfólki í skapandi greinum, arkitektum, hönnuðum og öðrum sem vinna að breytingum, að ögra eigin hugmyndum og forsendum um hvernig og hvers vegna þau skapa verðmæti.
Námskeiðinu er skipt í þrjá hluta.
1. hluti – Innblástur og leiðir til að auka áhrif
Christian kynnir aðferðafræðina og sýnir raunveruleg dæmi úr hönnunar- og arkitektastofum í Danmörku og víðar um heim.
- 45 mínútur
2. hluti – Verkleg vinna með „Expand“ aðferðafræðinni
Þátttakendur vinna gagnvirkt með Expand aðferðafræðina og endurhugsa raunverulegt verkefni úr eigin starfsumhverfi. Markmiðið er að opna fyrir nýjar hugmyndir, möguleika og leiðir til aukinna áhrifa.
- 45 mínútur
3. hluti – Samtal og ráðgjöf með Christian
Þátttakendur deila niðurstöðum vinnunnar og fá endurgjöf og ráðgjöf frá Christian.
- 30 mínútur
Fyrir hverja: Stjórnendur og fagfólk í skapandi greinum.
Hvenær: Miðvikudaginn 16. september milli 13:00-15:30.
Kostnaður: 30.000 kr - snemmskráning til 2. september. Almennt verð 45.000 kr. Lokað verður fyrir skráningu mánudaginn 11. september.
Christian Bason er danskur stjórnmálafræðingur og hönnunarhugsuður (Ph.D.) sem er þekktur fyrir frumkvöðlastarf í nýsköpun og hönnun innan opinbera geirans, fyrst sem stjórnandi MindLab og síðar forstjóri Danish Design Center. Í dag er Bason meðstofnandi Transition Collective sem vinnur að því að hraða samfélagslegum umbreytingum. Christian hefur um árabil starfað á alþjóðavettvangi við hönnun, nýsköpun, leiðtogastarf og umbreytingar í samfélaginu. Hann er þekktur fyrirlesari og hefur leitt fjölda vinnustofa um sjálfbærar umbreytingar, leiðtogahæfni og opinbera nýsköpun. Hann er höfundur og meðhöfundur fjölmargra bóka, þar á meðal Expand: Stretching the Future by Design og Leading Public Sector Innovation: Co-creating for a Better Society. Hann er með doktorsgráðu frá Viðskiptaháskólanum í Kaupmannahöfn og meistaragráðu í stjórnmálafræði frá Háskólanum í Árósum.
