Hönnun hins ósýnilega á DesignTalks í ár með þverfaglega hönnunarteyminu Tertu og Elliðaárstöð

Magnea Guðmundsdóttir arkitekt og vísindamiðlarinn Margrét Hugadóttir segja frá því hvernig Elliðaárstöð hefur gert ósýnileg kerfi sýnileg og breytt þeim í upplifun sem tengir fólk, staði og samfélög, með leikinn að leiðarljósi. Verkefnið er handhafi Hönnunarverðlauna Íslands 2025.

Elliðaárstöð, sem áður var iðnaðarsvæði á stærsta græna svæði Reykjavíkur, hefur verið fengið nýtt líf og verið umbreytt í líflegan og heillandi áfangastað þar sem orka, fræðsla, menning og leikur fléttast saman á náttúrulegan hátt. Með vandaðri endurnýtingu mannvirkja hefur hin sögulega vatnsaflsvirkjum Elliðaárstöð tekið á sig nýja mynd og verið endursköpuð sem opið og aðlaðandi umhverfi þar sem byggingalist, landslag og frásögn renna saman í eina heildstæða og eftirminnilega upplifun. 

Elliðaárstöð er fyrrum iðnaðarsvæði á stærsta græna svæði Reykjavíkur, hefur verið umbreytt í líflegan áfangastað sem sameinar orku, nám, menningu og leik. Með varkárri endurnýtingu mannvirkja hefur hin sögulega vatnsaflsvirkjun Elliðaárstöð verið endursköpuð sem opið og aðlaðandi umhverfi þar sem byggingarlist, landslag og frásögn mætast.

Magnea er starfandi arkitekt, meðlimur í hönnunarhópnum Terta og meðstofnandi arkitektastofunnar Stiku. Hún hefur unnið að fjölbreyttum verkefnum með samfélagsmiðaðri nálgun. Verk hennar spanna rannsóknir, sýningahönnun, borgar- og byggingarhönnun. Hún er virkur þáttakandi í umræðu um byggt umhverfi með greinum, erindum og hlaðvarpi og mikilvæg rödd. Magnea sat í Skipulags- og umhverfisráði Reykjavíkur 2014–2018.

Margrét er vísindamiðlari og fræðsluhönnuður sem leitast við að gera hið ósýnilega sýnilegt með frásögn, hönnun og skapandi miðlun. Hún starfar þar sem vísindi, hönnun og samfélag mætast og sameinar vísindi, hönnunarhugsun og upplifunahönnun til að skoða fortíð, nútíð og mögulegar framtíðir. Frá 2022 hefur hún þróað vísindamiðlun við Elliðaárstöð í Reykjavík, þar sem þúsundir gesta hafa lært um orku, vatn og ósýnileg kerfi borgarinnar.

Nú hafa allir fyrirlesarar DesignTalks verið kynntir og eru eftirfarandi:

Stefan Sagmeister

Dorte Mandrup

Hjalti Karlsson

Kristjana S Williams

Hönnunarteymið 1+1+1

RANRA

1 Granary

Elliðaárstöð

Þetta er viðburður sem enginn sem hefur áhuga á hönnun og arkitektúr vill missa af. Tryggðu þér miða á tix.is í dag.