Hönnunarverðlaun Íslands veitt í tólfta skipti í dag

Hönnunarverðlaun Íslands 2025 verða afhent í Grósku í dag 6. nóvember. Verðlaun eru veitt í þremur flokkum; Vara, Staður og Verk ársins. Að auki verða Heiðursverðlaun Hönnunarverðlauna Íslands og viðurkenning fyrir bestu fjárfestingu í hönnun veitt.

Fyrir verðlaunaafhendinguna verður sjónum beint að þeim fjölbreyttu verkum sem hljóta tilnefningu í ár en tilnefndir stíga á svið og fjalla um verkin sín. 

Dagskráin í hátíðarsal Grósku í dag:

15:30 Tilnefnd til Hönnunarverðlauna Íslands tala um sín verk
18:00 Verðlaunaafhending Hönnunarverðlauna Íslands 2025
19:00 Fögnuður og skál!

Hönnunarverðlaun Íslands varpa ljósi á mikilvægi og gæði hönnunar og arkitektúrs á Íslandi. Miðstöð hönnunar og arkitektúrs stendur að verðlaununum í samstarfi við Hönnunarsafn Íslands og Listaháskóla Íslands með stuðningi frá Íslandsstofu, Húsnæðis- og mannvirkjastofnun, Grósku, Vísindagörðum Háskóla Íslands og Bláa lóninu.