Hver á efnið? Tölum um gervigreind og höfundarétt
Á þriðja fyrirlestri vetrarins hjá Miðstöð hönnunar og arkitektúrs beinum við sjónum að höfundarétti og gervigreind. Hvað verður um réttindi og verðmæti mannlegrar sköpunar í heimi þar sem gervigreind er farin að þræða sig inn með hárfínum þráðum inn í allt okkar daglega líf? Við veltum við hverjum steini og þorum að spyrja erfiðra spurninga, vera bjartsýn en líka pínu svartsýn…
Næsti fyrirlestur Tölum um hönnun og arkitektúr fer fram í stóra sal Grósku miðvikudaginn, 11. nóvember, kl. 9:00-10:15. Húsið opnar að vanda kl. 8:30 með rjúkandi heitum bolla og bakkelsi.
Fyrirlesarar:
- Hjálmar Gíslason, stofnandi og stjórnandi GRID
- Hrafn Gunnarsson, sköpunarstjóri og stofnandi Brandenburg
- Halldór Eiríksson, arkitekt, formaður SAMARK
- Anna Tumadóttir, framkvæmdastjóri Creative Commons
Panell:
- Rán Tryggvadóttir, höfundaréttarsérfræðingur
- Hjálmar Gíslason, stofnandi og stjórnandi GRID
- Hrafn Gunnarsson, sköpunarstjóri og stofnandi Brandenburg
- Halldór Eiríksson, arkitekt, formaður SAMARK
- Anna Tumadóttir, framkvæmdastjóri Creative Commons
Lóa Björk Björnsdóttir, dagskrárgerðarkona á Rás 1, stjórnar pallborðsumræðum.
