Koddaslagur BAHNS 2025

Mikið verður um að vera um helgina hjá BAHNS í Kiosk Granda. Árlegi koddaslagur BAHNS fer fram á sunnudaginn, sjómannadaginn, en byrjað verður að hitað upp á laugardeginum með fögnuði í versluninni þar sem skálað verður fyrir Hönnunarverðlaunum Íslands sem BAHNS hlaut í nóvember í flokknum Vara fyrir peysuna James Cook og keppendur koddaslagsins verða kynntir.

Í fögnuðinum verður dregið í dilka, hver byrjar og hverjar mætast, plankinn verður skoðaður og veðbanki koddaslagsins opnaður.

Sommersby og Tuborg classic frá Ölgerðinni munu flæða um kverkar og gleðin sest í hásætið.

Koddaslagur á planka sem árlegur viðburður hjá fatamerkinu BAHNS kom til vegna vöntunar á tískusýningu sem hentaði “heritage” merki eins og BAHNS. Hefðbundin tískusýning kom ekki til greina og þar sem merkið er óður til sjómennsku lá þetta nokkuð beint við. Fyrsti slagurinn var árið 2017 og er þetta í sjöunda sinn sem slagurinn er haldinn og er föruneytið ekki af verri endanum.

Á Instagram síðu BAHNS er hægt að kynna sér keppendur áður en veðjað er í veðbanka.

Laugardagur: Fögnuður kl. 17:00-19:00, Kiosk Granda, Grandagarði 35.

Sunnudagur: Koddaslagur BAHNS kl. 14:20, Vesturbugt, á bryggjunni beint fyrir framan Kiosk Granda.