Síðasta sýningarhelgi BERGMÁL LANDSINS

Síðasti dagur sýningarinnar BERGMÁL LANDSINS verður næsta sunnudag, 1. júni. Mikið verður um að vera um helgina en á laugardaginn fer fram upplifunarsmiðjan Leirvitund og á sunnudaginn verður POP-UP keramik markaður fyrir utan sýningarsalinn á Eiðistorginu.

Á sýningunni sýna fimmtán félagar verk sín. Sýnendur eru: Aldís Yngvadóttir, Anna S. Hróðmarsdóttir, Auður Gunnarsdóttir, Elísabet Haraldsdóttir, Guðný Rúnarsdóttir, Guðrún Indriðadóttir, Halldóra Hafsteinsdóttir, Hafdís Brands, Helga Arnalds, Hólmfríður Vídalín, Hrönn Waltersdóttir, Katrín V. Karlsdóttir, Ólöf Erla Bjarnadóttir, Ólöf Sæmundsdóttir, Ylona Supèr.

Verkin sem birtast eru mótuð úr efni jarðar, mótuð af höndum sem hlusta á leirinn og landslagið, og tala þannig tungumál náttúrunnar.

Sýningin er óður til náttúrunnar í öllum sínum fjölbreytileika: frá hrjúfum hraunflötum til mjúka mosans, frá gárum vatnsins að nöprum kossi vindsins. Formin eru lífræn, óregluleg og lifandi — þau minna okkur á það sem vex, hverfur, breytist og kemur aftur. Hér mætast formin, litirnir og áhrifin sem náttúran kallar fram.

Með þessum verkum er dregin upp mynd af handverki sem virðir efniviðinn okkar og talar inní framtíð sem virðist oft stefna hraðbyri að glötun. Í heimi þar sem oft fennir yfir tengslin við náttúruna opnast hér gluggi að dýpri skilningi – þar sem listin minnir okkur á tengsl okkar við heildina, hluti af moldinni sem við stígum á og mótum.

Sýningarstjóri er Búi Bjarmar Aðalsteinsson hönnuður.

Sýningin er opin fimmtudaga til sunnudaga frá 12:00-17:00 og lýkur sunnudaginn 1. júní.

Viðburðir um helgina:

Laugardagur: Leirvitund - upplifunarsmiðja kl. 17:00-18:00.

Sunnudagur: POP-UP keramik markaðurinn kl: 13.00-16.00.