Niðurstöður hafa verið birtar í hönnunarsamkeppni um sýningu í nýrri gestastofu Vatnajökulsþjóðgarðs á Kirkjubæjarklaustri. Það var fransk-íslenska hönnunarfyrirtækið SP(R)INT STUDIO ásamt ensku Nissen Richards Studio sem bar sigur úr býtum en þrjár tillögur voru í lokasamkeppninni eftir forval hjá Ríkiskaupum, Miðstöð hönnunar og arkitektúrs og Vatnajökulsþjóðgarði.

Skipulagsdagurinn 2023 verður haldinn hátíðlega fimmtudaginn 19. október kl. 9.00-16.00 með árlegu málþingi um skipulagsmál. Skipulagsdagurinn fer fram í Grósku, hugmyndahúsi, við Bjargargötu 1 í Reykjavík og er haldinn í samstarfi við Samband íslenskra sveitarfélaga.

Þriðjudaginn 7. nóvember kl. 20.00 mun Hilmar Gunnarsson, stofnandi og framkvæmdastjóri Arkio, mæta í Grósku og kynna Arkio en Arkio er hönnunarhugbúnaður sem gerir hönnuðum kleift að hanna byggingar eða borgarskipulag með einföldum hætti með VR og AR tækni.

„Þetta er íslensk hönnun“ kynningarátakið lýsir upp höfuðborgina frá og með deginum í dag. Þetta er þriðja árið í röð sem nýstárleg, fjölbreytileg og litrík íslensk hönnun og arkitektúr birtist og tekur yfir öll ljósaskilti höfuðborgarsvæðisins í heila viku.

Jarðsetning eftir Önnu Maríu Bogadóttur, arkitekt er tilnefnt í flokknum verk ársins á Hönnunarverðlaunum Íslands 2023.

Framkvæmdasýslan – Ríkiseignir (FSRE) boðar til kynningarfundar um aðferðarfræði kerfisbundins frágangs föstudaginn 20. október kl 10:00 – 11:30 á Hótel Nordica.

Vegrún eftir Kolofon og co er tilnefnt í flokknum verk ársins á Hönnunarverðlaunum Íslands 2023.

Hlöðuberg eftir Studio Bua er tilnefnt í flokknum staður ársins á Hönnunarverðlaunum Íslands 2023

Edda, hús íslenskunnar eftir Hornsteina arkitekta tilnefnt sem staður ársins á Hönnunarverðlaunum Íslands 2023.

Húsgagnaframleiðandinn Syrusson blæs til skemmtunar hjá sér þann 19. október þar sem kynntar verða nýjar húsgagnalínur og sérlínur. Húsgagnaframleiðandinn Narbutas og danski efnisframleiðandinn Gabriel verða á svæðinu til að kynna nýjungar.

Miðvikudaginn 11. október verður opnunarhátíð ráðstefnunnar The Third Ecology, ráðstefna Arkitektúrsagnfræðinga á vegum LHÍ og MoMA, haldin hátíðlega í Ráðhúsinu og hefst kl. 17.00. Aðalfyrirlesari ráðstefnunnar Samia Henni, sagnfræðingur um hið byggða, eyðilagða og ímyndaða umhverfi heldur opnunarfyrirlestur. Opnunarhátíðin er öllum opin.

Nær fullt var út úr dyrum á fyrirlestri Tatiönu Bilbao sem Arkitektafélag Íslands hélt þriðjudaginn 3. október. Fyrirlesturinn var tekinn upp og er hægt að nálgast hann hér.