Refik Anadol, listamaður, leikstjóri og brautryðjandi í fagurfræði gervigreindar, kemur fram á DesignTalks 2023 í Hörpu miðvikudaginn 3. maí. 

Refik Anadol er alþjóðlega þekktur listamaður, leikstjóri og brautryðjandi í fagurfræði gervigreindar. Hann kennir einnig við hönnunardeild UCLA. Verk hans staðsetja sköpunargáfuna á mörkum hins mannlega og hins vélræna. Í þeim vinnur Anadol með gögn sem umlykja okkur í daglegu lífi og taugakerfi hins tölvustýrða huga. Þannig býr hann til nýja og ögrandi sjónræna sýn á stafrænar minningar okkar og þenur út möguleika lista, arkitektúrs, frásagnir og hreyfingu líkamans.

Staðbundnir gervigreindarskúltpúrar Anadols, lifandi hljóð- og myndverk og innsetningar hans taka á sig ólíklegar myndir en hvetja okkur til að endurskoða samskitpi okkar við hinn efnislega heim, stafræn net, sameiginlega reynslu og skapandi möguleika tækninnar. Hann hefur sýnt verk sín í Pompidou safninu í París, National Gallery of Victoria, Arkitektatvíæringnum í Feneyjum, Hammer safninu, Dongdaemun Design Plaza, Ars Electronica Festival, Hönnunartvíæringnum í Istanbúl og ZKM | Center for Art and New Media. Árið 2018 vann hann lifandi hljóð- og myndverk í samstarfi við Fílharmoníusveit Los Angeles í tilefni aldarafmæli hljómsveitarinnar. Verkinu var varpað á framhlið hins sögufræga tónlistarhúss Walt Disney sem hannað var af Frank Gehry. Fyrsta einkasýning hans í Norður-Ameríku, Refik Anadol: Unsupervised, stendur nú yfir í Museum of Modern Art, New York.

DesignTalks 2023 fer fram miðvikudaginn 3. maí í Silfurbergi í Hörpu. Stjórnandi er Hlín Helga Guðlaugsdóttir.

Í ár mun DesignTalks takast á við spurninguna Hvað nú? / What now?, staldra við, fást við áskoranir líðandi stundar, velta upp og kanna mögulegar leiðir - og ef vel tekst til, vekja enn fleiri spurningar!

DesignTalks ráðstefnan varpar ljósi á mikilvægi hönnunar og arkitektúrs í samfélagslegum og hnattrænum breytingum, með erindum um áhrifamikil verkefni og innblásnum samtölum. Hönnuðir, arkitektar og skapandi hugsuðir, erlendir og innlendir veita innsýn í brýn viðfangsefni af öllu hjarta. Ekkert er utan seilingar.

Ekki missa af áhugaverðasta og skemmtilegasta hönnunarviðburði ársins.
Viltu fjölmenna og panta fyrir hóp? Vinsamlegast hafðu samband við midasala@harpa.is s. 5285050. Við minnum einnig á að kanna möguleika á niðurgreiðslu stéttarfélaga vegna miðakaupa.

DesignTalks 2023 - Odile Decq, arkitekt og borgarskipulagsfræðingur 

DesignTalks 2023 - Natsai Audrey Chieza, stofnandi og framkvæmdarstjóri Faber Futures

DesignTalks 2023 - Paola Antonelli, yfirsýningarstjóri arkitektúrs og hönnunar hjá MoMA, framleiðandi MoMA Salon R&D og stofnandi Design Emergency

DesignTalks 2023 - Peter Veenstra, landslagsarkitekt og einn stofnandi LOLA Landscape Architects

DesignTalks 2023 - Sigríður Sunna Reynisdóttir, stofnandi og listrænn stjórnandi ÞYKJÓ

DesignTalks 2023 - Michael Hendrix, alþjóðlegur hönnunarstjóri og meðeigandi IDEO

DesignTalks 2023 - Pavel Vrzheshch, stofnandi og listrænn stjórnandi úkraínsku auglýsingastofunnar Banda

DesignTalks 2023 - Thomas Pausz, hönnuður, listamaður og rannsakandi

DesignTalks 2023 - Lee Baker frá Graphic Rewilding, listamaður og tónskáld

DesignTalks 2023 - Liam Young, sci-fi arkitekt og leikstjóri 

DesignTalks 2023 - Sigurður Þorsteinsson, framkvæmdastjóri brand, hönnunar- og nýsköpunarsviðs Bláa lónsins. Meðeigandi í Design Group Italia

Hvað nú? Dagskrá HönnunarMars 2023 er komin í loftið

DesignTalks 2023 - Refik Anadol, listamaður, leikstjóri og brautryðjandi í fagurfræði gervigreindar

Deila

Tögg