Fatahönnunarfélag Íslands

Merki Fatahönnunarfélags Íslands

FÍ er fagfélag fatahönnuða á Íslandi. Markmið þess er að efla samheldni meðal þeirra sem starfa við fatahönnun á Íslandi og standa vörð um réttindi félagsmanna. Félagið leggur áherslu á að stuðla að öllu því er til framfara horfir í greininni og að efla hugvit innan íslenskrar fatahönnunar. Félagið leggur sig fram við að upplýsa almenning um fatahönnuði og þeirra starfsvettvang.

Nýtt stjórnarfyrirkomulag samþykkt á aðalfundi Miðstöðvar hönnunar og arkitektúrs

Aðalfundur Miðstöðvar hönnunar og arkitektúrs fór fram þann 10. júní síðastliðinn í nýjum húsakynnum Miðstöðvarinnar í Grósku. Undir fundinn var borið nýtt stjórnarfyrirkomulag Miðstöðvarinnar og HönnunarMars sem var einróma samþykkt á fundinum.
18. júní 2021

Hönnun fyrir alla hlýtur styrk úr Barnamenningarsjóði

Miðstöð hönnunar og arkitektúrs í samstarfi við List fyrir alla hlýtur styrk úr Barnamenningarsjóði fyrir verkefnið Hönnun fyrir alla - hönnuðir framtíðarinnar. Um er að ræða framleiðslu á stuttu og vönduðum þáttum, kennsluefni um hönnun og arkitektúr sem miðast að börnum og ungmennum.
28. maí 2021

HönnunarMars breiðir úr sér í maí

Dagskrá stærstu hönnunarhátíðar landsins er komin í loftið með um 80 sýningum sem endurspegla einstaka grósku íslensks hönnunarsamfélags á þessum umbrotatímum í öflugu samstarfi við nýsköpunargeirann, atvinnulífið, sendiráð Íslands út í heimi svo fátt eitt sé nefnt.
10. maí 2021

Námskeið í þrívíddarprentun í leir

Myndlistarskólinn í Reykjavík er með stutt og hnitmiðað námskeið í þrívíddarprentun í leir í Myndlistaskólanum í Reykjavík. Námskeiðið hefst 17. maí og stendur yfir í 7 daga. Kennari er myndlistarkonan María Sjöfn Dupuis Davíðsdóttir.
6. maí 2021

Ertu laus? Miðstöð hönnunar og arkitektúrs leitar að starfsmanni í tímabundið starf háð ráðningarstyrk

Um er að ræða 6 mánaða starf þar sem vinna við HönnunarMars vegur þyngst og þarf viðkomandi að geta hafið störf sem fyrst. Tekið er á móti fyrirspurnum og umsóknum á info@honnunarmidstod.is. Frestur til mánudagsins 26. apríl 2021. 
20. apríl 2021

Sneiðmynd - Fatahönnuðurinn Helga Lára Halldórsdóttir

Fyrirlesturinn ber yfirskriftinga Mapping theory through practice - the logic of success and failure og er hluti af Sneiðmynd, fyrirlestrarseríu hönnunardeildar og arkitektúrdeildar LHÍ. Helga Lára útskrifaðist með BA gráðu frá Listaháskóla Íslands árið 2018 og MFA í fatahönnun frá Textilhögskolan í Borås en hún hefur verið stundakennari við Listaháskóla Íslands og hjá Myndlistarskólanum í Reykjavík. Fyrirlesturinn er á morgun, þriðjudaginn 13. apríl á Teams kl. 12.10.
12. apríl 2021

Sjálfbær stefnumörkun - rafrænn fyrirlestur 25. mars

David Quass, Global director brand sustainability hjá Adidas heldur rafrænan fyrirlestur um sjálfbæra stefnumörkun hjá vörumerkjum. Fundurinn fer fram 25. mars milli kl. 9 - 10 og fundarstjóri er Helgi Rúnar Óskarsson, forstjóri 66°Norður.
22. mars 2021

Lumar þú á hugmynd fyrir Torg í biðstöðu 2021?

Reykjavíkurborg óskar eftir áhugasömum einstaklingum eða hópum að taka þátt í verkefninu Torg í Biðstöðu. Í ár er þemað hvílustæðu þar sem markmiðið er að hanna og framkvæma tímabundin Hvílustæði (e. parklet). Frestur rennur úr 12. apríl.
11. mars 2021

Taktu þátt að móta hið nýja evrópska Bauhaus

Norrænum arkitektum, hönnuðum, listamönnum, verkfræðingum, vísindamönnum, frumkvöðlum, námsmönnum og öllum öðrum áhugasömum er boðið að taka þátt í að móta norræna áherslur fyrir hið nýja evrópska Bauhaus, skapandi samstarf með það markmið að efla sjálfbærni, samstöðu, gæði og fagurfræði.
11. mars 2021

Kjarnasamfélag, umhverfisvænn plötuspilari, náttúruleg efni og lífrænir verðlaunapeningar meðal styrkþega Hönnunarsjóðs

Hönnunarsjóður úthlutaði þann 5. mars 20 styrkjum til ólíkra verkefna á sviði hönnunar og arkitektúrs og 13 ferðastyrkjum til 10 verkefna. Að þessu sinni voru 23,5 milljónum úthlutað en alls bárust 150 umsóknir um rúmar 255 milljónir.
8. mars 2021

Lumar þú á mjúkri og hlýrri hugmynd? Stafrænt Ullarþon vorið 2021

Textílmiðstöð Íslands og Nýsköpunarmiðstöð Íslands halda Ullarþon dagana 25. - 29. mars. Verkefnið er styrkt af Framleiðnisjóði Landbúnaðarins. Um er að ræða nýsköpunarkeppni haldin á netinu til að ýta undir nýsköpun og vöruþróun, auka verðmæti ullarinnar og þá sérstaklega verðminnstu ullarflokkanna. 
1. mars 2021

95 dagar í HönnunarMars

HönnunarMars í maí 2021 fer fram dagana 19-23. maí. Valnefnd hátíðarinnar hefur legið yfir umsóknum síðustu vikur og er dagskrá hátíðarinnar í ár byrjuð að taka á sig forvitnilega og fjölbreytilega mynd. 
12. febrúar 2021

Metfjöldi umsókna í fyrstu úthlutun Hönnunarsjóðs 2021

Umsóknarfresti í Hönnunarsjóð lauk á miðnætti um fyrstu úthlutun ársins 2021. Alls bárust 150 umsóknir, sem er langmesti fjöldi umsókna sem sjóðnum hefur borist í hefðbundnu umsóknarferli undanfarin ár. 
5. febrúar 2021

Á bakvið vöruna - Hildur Yeoman

Í þáttunum Á bakvið vöruna er skyggnst inn í heim íslenskra frumkvöðla og hönnuða sem starfrækja rekstur sinn í skapandi grósku Miðborgarinnar. Fatahönnuðurinn Hildur Yeoman lokar seríunni með sínum glitrandi og töfrandi heimi.
5. febrúar 2021

Sértilboð til aðildarfélaga Miðstöðvar hönnunar og arkitektúrs vorið 2021 hjá Endurmenntun HÍ 

Félagsmönnum aðildarfélaga Miðstöðvar hönnunar og arkitektúrs býðst 20% afsláttur á tvö námskeið úr dagskrá vormisseris hjá Endurmenntun.
4. febrúar 2021

Hönnunarsjóður - umsóknarfrestur rennur út 4. febrúar

Opið er fyrir umsóknir í Hönnunarsjóð en um almenna- og ferðastyrki er að ræða. Umsóknarfrestur er til miðnættis 4. febrúar og fer úthlutun fram þann 4. mars.
2. febrúar 2021

66°Norður hlýtur viðurkenningu fyrir bestu fjárfestingu í hönnun á Hönnunarverðlaunum Íslands 2020

Hönnunarverðlaun Íslands 2020 voru afhent með rafrænum hætti þann 29. Janúar. Hönnunarfyrirtækið 66°Norður hlaut viðurkenningu fyrir bestu fjárfestingu í hönnun á Hönnunarverðlaununum 2020 og var það Sigurður Hannesson, framkvæmdastjóri Samtaka iðnaðarins sem veitti eigendum 66°Norður, Bjarneyju Harðardóttur og Helga Rúnari Óskarssyni ásamt hönnunarteymi fyrirtækisins viðurkenninguna.
29. janúar 2021

Studio Granda hlýtur Hönnunarverðlaun Íslands 2020 fyrir verkefnið Dranga

Hönnunarverðlaun Íslands 2020 voru afhent með rafrænum hætti í dag, 29. janúar. Þórdís Kolbrún R. Gylfadóttir, ferðamála-, iðnaðar- og nýsköpunarráðherra afhenti arkitektunum Margréti Harðardóttir og Steve Christer frá Studio Granda Hönnunarverðlaun Íslands 2020 fyrir verkefnið Drangar.
29. janúar 2021

Heiðursverðlaunahafi Hönnunarverðlauna Íslands 2020 er Kristín Þorkelsdóttir, grafískur hönnuður

Hönnunarverðlaun Íslands 2020 voru afhent með rafrænum hætti þann 29. janúar. Lilja D. Alfreðsdóttir, mennta- og menningarmálaráðherra veitti Kristínu Þorkelsdóttur, grafískum hönnuði, Heiðursverðlaun Hönnunarverðlauna Íslands árið 2020.
29. janúar 2021

Drangar eftir Studio Granda tilnefnt til Hönnunarverðlauna Íslands 2020

Önnur tilnefningin til Hönnunarverðlauna Íslands 2020 hefur litið dagsins ljós - Drangar eftir Studio Granda. Næstu daga munum við svipta hulunni af tilnefningum ársins 2020 en verðlaunin verða afhent með rafrænum hætti þann 29. janúar kl. 11.
20. janúar 2021